#postitel

Wat is die BASIS KIDS-studie?

Die BASIS KIDS-studie toets ‘n studiemiddel vir seuns met óf hemofilie A óf B. Die studie sal kyk na die veiligheid van die studiemiddel en wat dit aan die liggaam doen. Navorsers wil sien of hierdie studiemiddel bloeiing kan keer wat algemeen by mense met hemofilie voorkom.

Die studiemiddel is nie stollingsfaktor vervanging terapie nie. Dit blokkeer ‘n stof dat natuurlik in die liggaam voorkom wat die stollingsproses stop. Deur om dit te doen, kan die studiemiddel lei tot ‘n toename in stollingsaktiwiteit.

Leer ken vir Charlie en sy ma Hannah, terwyl hulle praat oor hul ervaring met hemofilie en deelname aan kliniese proewe.

Kyk "In My Shoes" Video

Wie kan deelneem?

Om vir die studie in aanmerking te kom, moet u kind:

n Man jonger as 18 jaar oud wees
Ernstige hemofilie A of matig ernstige tot ernstige hemofilie B, met of sonder inhibeerders hê
Voldoen aan bykomende vereistes, soos bepaal deur 'n siftingsproses

Sommige mense ontwikkel inhibeerders vir stollingsfaktor vervanging terapie, wat verhoed dat dit werk en 'n klont vorm. Dit maak dit moeiliker om 'n bloeding te stop. Die studiemiddel wat getoets word, word nie deur inhibeerders beïnvloed nie.

Wat gebeurtydens die studie?

U kind sal vir ongeveer 14 maande aan die studie deelneem. Gedurende die studie sal u kind besoeke by die sentrum bywoon en telefoonoproepe met die studiespan hê om na sy gesondheid te kyk.

Sodra u kind die studie voltooi het, kan hy die opsie hê om voort te gaan om die studiemiddel vir ‘n lang tydperk as deel van ‘n aparte studie te neem. U kan dit met u kind se studiedokter bespreek indien u belangstel.

Algemene Vrae

Toestemming

Die studiedokter sal eers die Ingeligte Toestemmingsvorm saam met u hersien, wat al die besonderhede van die studie bevat. Neem al die tyd wat u nodig het om daaroor na te dink en enige vrae wat u en u kind het, te vra. As u instem om u kind te laat aansluit, sal u u toestemming gee deur om die vorm te onderteken. U kind kan ook ‘n soortgelyke vorm genaamd die Instemmingsvorm onderteken en daarop let dat hy instem om aan die studie deel te neem.

Kyk video oor ingeligte toestemming

Sifting

Om te sien of u kind vir die studie kwalifiseer, sal die studiedokter vrae vra oor u kind se gesondheid, mediese geskiedenis en medisyne wat hy neem. U kind sal ook ‘n fisiese ondersoek ondergaan en ‘n paar toetse hê, insluitend bloed- en urinetoetse. Die siftingstydperk is ongeveer een maand

Studie Behandeling

Alle kinders wat vir die studie kwalifiseer, sal die studiemiddel vir 12 maande lank ontvang. Gedurende hierdie tyd sal u kind ook ongeveer 9 besoeke by die sentrum bywoon en 5 telefoonoproepe met die studiespan hê om na sy gesondheid te kyk. Sommige van hierdie besoeke kan by u huis plaasvind as u dit verkies en as plaaslike regulasies dit toelaat.

Volg op

Indien u kind verkies om nie voort te gaan om die studiemiddel as deel van die afsonderlike studie te gebruik nie, sal die studiedokter u kontak om u kind se gesondheid 30 dae na sy finale dosis studiemiddel na te gaan.

Hoe word die studiemiddel gegee?

Anders as stollingsfaktor vervanging terapie, wat deur gereelde infusies (stadig in die aar) gegee word, word die studiemiddel een keer per week as ‘n inspuiting (skoot) in die vetterige laag direk onder die vel gegee.

Die eerste inspuiting sal by die studiesentrum gegee word. Die ander dosisse sal by die huis gegee word, of op die perseel as u so verkies.

Let wel: Waar u kind die inspuiting ontvang, kan daarvan afhang of hy 'n voorafgevulde spuit of pen gebruik.
Die ligging sal ook daarvan afhang of u kind homself die inspuiting gee en of 'n versorger of studiedokter die inspuiting toedien.

Inspuitingsinstruksies

Watter tipe toetse sal my kind by studiebesoeke ondergaan?

By studiebesoeke sal u kind toetse ondergaan om sy gesondheid te kontroleer. Hieronder is ‘n paar toetse wat u kind sal ondergaan. Hy sal nie by elke besoek al die toetse ondergaan nie.