BasisKids phuputso

Phuputso ya BASIS KIDS ke eng?

Phuputso ya BASIS KIDS e etsa moriana teko wa phuputso bakeng sa bashemane ba nang le hemophilia A kapa B. Phuputso e tla hlahloba polokeho ya moriana wa phuputso le hore na o etsang mmeleng. Bafuputsi ba batla ho hlahloba haeba moriana ona wa phuputso o ka thibela ho tswa madi ho tlwaelehileng bathong ba nang le hemophilia.

Moriana wa phuputso ha o nke sebaka sa kalafo ya factor replacement. O thibela ntho eo ka tlhaho e fumanwang mmeleng e emisang tshebetso ya mahlwele a madi. Ka ho etsa sena, moriana wa phuputso o ka lebisa keketsehong ya tshebetso ya mahlwele a madi.

Ho tseba Charlie le mme wa hae, Hannah, ha ba re bolella ka maikutlo a bona ka hemophilia le ho nka karolo diphuputsong tsa bongaka.

Sheba Video ya "In My Shoes"

Ke bomang ba ka nkang karolo?

E ele hore ngwana wa hao a tshwanele bakeng sa phuputso ena, o tlameha:

Ho ba motona mme a be ka tlase ho dilemo tse 18
Ho ba le hemophilia A e totileng kapa e totileng ka mokgwa o mahareng ho isa ho hemophilia B e totileng, e nang le kapa e se nang dikgini (inhibitors)
Ho fihlela ditlhoko tse eketsehileng, jwalo ka ha ho behilwe ke tshebetso ya tlhahlobelo

Batho ba bang ba hlahisa dikgini ho nkela sebaka sa kalafo ya factor replacement, e thibelang ho sebetsa le ho etsa mahlwele a madi. Sena se etsa hore ho be thatale ho feta ho emisa ho tswa madi. Moriana wa phuputso o ntseng o lekwa ha o anngweke dikgini.

Ho etsahalang nakong ya phuputso?

Ngwana wa hao o tla ba phuputsong nako e ka bang dikgwedi tse 14. Nakong yohle ya phuputso, ngwana wa hao o tla ba le diketelo tsa setsing le ho bua ka mohala le moifo wa phuputso ho hlahloba bophelo ba hae.

Kamora hore ngwana wa hao a phethele phuputso, a ka nna a ba le kgetho ya ho tswela pele ho sebedisa moriana wa phuputso ka nako e atolositsweng e le karolo ya phuputso e ka thoko. O ka buisana ka sena le ngaka ya phuputso ya ngwana wa hao haeba o na le thahasello.

Dipotso tse Botswang Kgafetsa (Di-FAQ)

Tumello

Ngaka ya phuputso e tla hlahloba le wena pele Foromo ya Tumello e Nang le Kutlwisiso, e nang le dintlha tsohle tsa phuputso. Nka nako yohle eo o e hlokang ho e nahana mme o botse dipotso dife kapa dife tseo wena le ngwana wa hao le nang le tsona. Haeba o dumela ho dumella ngwana wa hao ho kenela phuputso, o tla fana ka tumello ya hao ka ho saena foromo ena. Ngwana wa hao le yena a ka saena foromo e tshwanang e bitswang Foromo ya Ho Dumela e leng se bontshang hore o dumela ho nka karolo phuputsong.

Sheba Video ya Tumello e Nang le Kutlwisiso

Tlhahlobelo

Ho bona haeba ngwana wa hao wa tshwaneleha bakeng sa phuputso, ngaka ya phuputso e tla botsa dipotso mabapi le bophelo ba ngwana wa hao, nalane ya bophelo, le meriana eo a e sebedisang. Ngwana wa hao o tla boela a etswe tlhahlobo ya mmele le hore tswa diteko tse itseng, ho kenyeletswa le diteko tsa madi le moroto. Nako ya tlhahlobelo e tla ba hoo e ka bang kgwedi e le nngwe

Kalafo ya Phuputso

Bana bohle ba tshwanelehang bakeng sa phuputso ba tla fumana moriana wa phuputso bakeng sa dikgwedi tse 12. Nakong yohle ya phuputso, ngwana wa hao o tla boela a be le diketelo tse ka bang 9 ka seqo setsing le ho letsetswa mehala e 5 le moifo wa phuputso ho hlahloba bophelo ba hae. Diketelo tse ding tsa tsona di ka etsahala lapeng ha hao haeba o kgetha jwalo le haeba melao ya lehae e dumella seo.

Tshalomorao

Haeba ngwana wa hao a kgetha hore a se tswele pele ka moriana wa phuputso jwalo ka karolo ya phuputso e ka thoko, ngaka ya phuputso e tla ikopanya le wena ho hlahloba bophelo ba ngwana wa hao matsatsi a 30 kamora ho sebedisa tekanyo ya ho qetela ya moriana wa phuputso.

Moriana wa phuputso o fanwa jwang?

Ho fapana le kalafo ya Factor replacement’, e fanwang ka dipompelo tsa kamehla (e kengwang butle butle mothapong wa madi), moriana wa phuputso o fanwa e le ente e hlajwang ka kotloloho lereng le mafura ka tlasa letlalo hanngwe ka beke.

Ente ya pele e tla fanwa setsing sa phuputso. Ditekanyo tse ding di tla fanwa lapeng, kapa setsing haeba o kgetha jwalo.

Tlhokomediso: Moo ngwana wa hao a hlajwang ente teng ho ka itshetleha ka hore na o sebedisa serinji se tlatsitsweng esale pele kapa pene.
Sebaka se tla boela se itshetlehe ka hore na e be ngwana wa hao ke yena ya itlhabang ka ente ka boyena kapa haeba mohlokomedi kapa ngaka ya phuputso ke yona e mo hlabang ka ente.

Ditaelo tsa ho enta

Ke diteko tsa mofuta ofe tseo ngwana wa ka a tla ba le tsona diketelong tsa phuputso?

Diketelong tsa phuputso, ngwana wa hao o tla etsa diteko tsa ho hlahloba bophelo ba hae. Mona ka tlase ke diteko tse ding tseo ngwana wa hao a tla ba le tsona. O ka se be le diteko tsena kaofela ketelong e nngwe le e nngwe.